"Ювентус" "Манчестер Сити" марказий ҳимоячиси Эмерик Лапортни сотиб олиш заруратидан шубҳаланмоқда.
Турин клуби "шаҳарликлар"нинг асосий таркибидаги ўрнини йўқотган 29 ёшли футболчига асосий даъвогарлардан бири саналмоқда. TuttoJuve хабарига кўра, инглиз гранди Лапорт учун 30 миллион евро сўраяпти ва бу нарх "кекса синьора"га унчалик ҳам тўғри келмайди. "Манчестер Сити" талабларни камайтирмаса, "Ювентус" испаниялик учун курашдан воз кечиши мумкин.
Transfermarkt экспертлари Лапортнинг нархини 25 миллион еврога баҳоламоқда. Ўтган мавсумда футболчи Хосеп Гвардиола жамоасининг 24та ўйинида иштирок этган.