"Bavariya"ga hujumchi Xarri Keynning yozgi transferini yakunlash qiyin bo‘ladi. Matbuotda "Tottenxem" Myunxenning ikkinchi taklifini rad etgani haqida ma’lumot paydo bo‘ldi.

Daily Mail xabariga ko‘ra, "shporlar" Keyn uchun 120 million funt (140 million yevro) talab qilmoqda. "Bavariya" bunday pulni to‘lamoqchi emas.

Qayd etilishicha, "Bavariya" qishda Xarri Keyn variantiga qaytishi mumkin. Yanvar oyida ingliz futbolchisiga kamroq pul to‘lanishi mumkin bo‘ladi, chunki futbolchining "Tottenxem" bilan amaldagi shartnomasi 2024 yilning iyun oyi oxirigacha amal qiladi.

Qo‘shimcha qilamizki, joriy yilning iyul oyi oxirida Xarri Keyn o‘zining 30 yoshini nishonlaydi.