"Бавария"га ҳужумчи Харри Кейннинг ёзги трансферини якунлаш қийин бўлади. Матбуотда "Тоттенхэм" Мюнхеннинг иккинчи таклифини рад этгани ҳақида маълумот пайдо бўлди.
Daily Mail хабарига кўра, "шпорлар" Кейн учун 120 миллион фунт (140 миллион евро) талаб қилмоқда. "Бавария" бундай пулни тўламоқчи эмас.
Қайд этилишича, "Бавария" қишда Харри Кейн вариантига қайтиши мумкин. Январь ойида инглиз футболчисига камроқ пул тўланиши мумкин бўлади, чунки футболчининг "Тоттенхэм" билан амалдаги шартномаси 2024 йилнинг июнь ойи охиригача амал қилади.
Қўшимча қиламизки, жорий йилнинг июль ойи охирида Харри Кейн ўзининг 30 ёшини нишонлайди.
