"Lasio" prezidenti Klaudio Lotito rimliklar yarim himoyachi Sergey Milinkovich-Savichning jamoani tark etish istagini tasdiqladi.
"Milinkovich-Savich mendan uni qo‘yib yuborishimni so‘radi, u shunchaki ketmoqchi. "Al-Hilol"ga o‘tishi? Rasmiy taklif bormi, bilmayman. Hujjatlarni kutamiz. Bitim shundan keyingina amalga oshiriladi. Menga taklif shunday ekanligini aytishdi va bu futbolchi uchun juda muhim, klub uchun esa unchalik muhim emas. Agar kimdir Saudiya Arabistoniga bormoqchi bo‘lsa, u faqat pul uchun bormoqda. Bu haqda undan so‘rang", - dedi Lotito Sky Sport Italia bilan suhbatda.
Milinkovich-Savich 2015 yilning avgustidan buyon "Lasio" safida o‘ynab kelmoqda. 2022/23 yilgi mavsumda yarim himoyachi rimliklar safida barcha musobaqalarda 47 ta o‘yinda maydonga tushib, 11 ta gol urdi va 8 ta golli uzatmani amalga oshirdi.
Transfermarkt portali 28 yoshli serbning narxini 50 million yevroga baholamoqda.
