"Napoli" hujumchisi Viktor Osimxen ko‘plab Yevropa gigantlarining nazariga tushgan.
Nigeriyalik futbolchining kelajagi haqida neapolliklar klubi prezidenti Aurelio de Laurentis fikr bildirdi.
“Keyingi mavsumda Viktor Osimxenni “Napoli” libosida albatta ko‘ramiz. Biroq agar ajoyib taklif tushsa, o‘ylab ko‘ramiz.
Biz yana bir yuqori iqtidorni topamiz”, - deya Laurentisning so‘zlarini keltiradi jurnalist Fabrisio Romano ijtimoiy tarmoqlardagi sahifasida.
“Napoli”da uch mavsum davomida Viktor Osimxen 101 ta o‘yinda maydonga tushdi. 24 yoshli nigeriyalik futbolchi hisobida 59 ta gol va 14 ta golli uzatma bor.
