"Наполи" ҳужумчиси Виктор Осимхен кўплаб Европа гигантларининг назарига тушган.
Нигериялик футболчининг келажаги ҳақида неаполликлар клуби президенти Аурелио де Лаурентис фикр билдирди.
“Кейинги мавсумда Виктор Осимхенни “Наполи” либосида албатта кўрамиз. Бироқ агар ажойиб таклиф тушса, ўйлаб кўрамиз.
Биз яна бир юқори иқтидорни топамиз”, - дея Лаурентиснинг сўзларини келтиради журналист Фабрицио Романо ижтимоий тармоқлардаги саҳифасида.
“Наполи”да уч мавсум давомида Виктор Осимхен 101 та ўйинда майдонга тушди. 24 ёшли нигериялик футболчи ҳисобида 59 та гол ва 14 та голли узатма бор.
