Yarim himoyachi Jud Bellingem "Real"da qaysi pozisiyada o‘ynashi ma’lum bo‘ldi.

Jurnalist Xose Feliks Diasning fikricha, yangi mavsumda “qirollik klubi” 4-4-2 sxemasida uni maydon markaziga qo‘ymoqchi. Xabarlarga ko‘ra, Bellingem ikki hujumchi ostida joylashadi.

Manba, shuningdek, bosh murabbiy Karlo Anchelotti ushbu sxemada "Real"ning yana bir yangi futbolchisi - Arda Gyulerni ko‘rayotganini ta’kidladi. "Qaymoqranglilar" yaqinda Turkiyaning "Fenerbaxche" klubiga 20 million yevro to‘lagan.

Eslatib o‘tamiz, Bellingem "Real Madrid"da 5-raqamda o‘ynaydi. O‘tgan mavsumda u Dortmundning "Borussiya"si uchun Bundesligada 8ta gol va 4ta golli uzatmani amalga oshirgan.