Ярим ҳимоячи Жуд Беллингем "Реал"да қайси позицияда ўйнаши маълум бўлди.
Журналист Хосе Феликс Диаснинг фикрича, янги мавсумда “қироллик клуби” 4-4-2 схемасида уни майдон марказига қўймоқчи. Хабарларга кўра, Беллингем икки ҳужумчи остида жойлашади.
Манба, шунингдек, бош мураббий Карло Анчелотти ушбу схемада "Реал"нинг яна бир янги футболчиси - Арда Гюлерни кўраётганини таъкидлади. "Қаймоқранглилар" яқинда Туркиянинг "Фенербахче" клубига 20 миллион евро тўлаган.
Эслатиб ўтамиз, Беллингем "Реал Мадрид"да 5-рақамда ўйнайди. Ўтган мавсумда у Дортмунднинг "Боруссия"си учун Бундеслигада 8та гол ва 4та голли узатмани амалга оширган.
