Nufuzli insayder Fabrisio Romano xorvatiyalik darvozabon Dominik Livakovichning Istanbulning "Fenerbahche" klubiga o‘tganini e’lon qildi. Uning oldingi jamoasi Zagrebning “Dinamo” klubi edi.
"Livakovich "Fenerbaxche"da. Transfer summasi 9 million yevroni tashkil qiladi. Tez orada kelishuv rasman e’lon qilinadi", — deb yozdi jurnalist o‘zining ijtimoiy tarmoqlarida.
Eslatib o‘tamiz, Livakovich butun futbolchilik faoliyatini “Dinamo”da o‘tkazgan. Umuman olganda, darvozabon zagrebliklar safida 283 ta o‘yin o‘tkazgan.
Darvozabon “Dinamo” bilan birgalikda besh karra Xorvatiya chempioni bo‘ldi va ikki marta mamlakat kubogini qo‘lga kiritdi.