Нуфузли инсайдер Фабрицио Романо хорватиялик дарвозабон Доминик Ливаковичнинг Истанбулнинг "Фенербаҳче" клубига ўтганини эълон қилди. Унинг олдинги жамоаси Загребнинг “Динамо” клуби эди.
"Ливакович "Фенербахче"да. Трансфер суммаси 9 миллион еврони ташкил қилади. Тез орада келишув расман эълон қилинади", — деб ёзди журналист ўзининг ижтимоий тармоқларида.
Эслатиб ўтамиз, Ливакович бутун футболчилик фаолиятини “Динамо”да ўтказган. Умуман олганда, дарвозабон загребликлар сафида 283 та ўйин ўтказган.
Дарвозабон “Динамо” билан биргаликда беш карра Хорватия чемпиони бўлди ва икки марта мамлакат кубогини қўлга киритди.
