"Atletiko Madrid" hujumchisi Alvaro Morata A Seriyaga qaytishni istaydi.
Nikolo Skira bergan xabarga ko‘ra, "Roma" allaqachon ispaniyalikning agenti bilan muzokaralarni boshlab yuborgan. Rimliklar Morataga 2027 yilning yoziga qadar mavsumiga 4,5 million yevro maosh bilan shartnoma taklif qilishdi.
"Roma" bosh murabbiyi Joze Mourinyo Morata bilan shaxsiy uchrashuv o‘tkazib, uni transferga ishontirdi.
Yaqin kunlarda klublar vakillari o‘rtasida uchrashuv bo‘lib o‘tishi kutilmoqda. Transfermarkt futbolchini 20 million yevroga baholamoqda.
30 yoshli Morata o‘tgan mavsumda 45 o‘yinda 15 gol urdi va 3 golga assistentlik qildi.