"Атлетико Мадрид" ҳужумчиси Альваро Мората А Серияга қайтишни истайди.
Николо Скира берган хабарга кўра, "Рома" аллақачон испанияликнинг агенти билан музокараларни бошлаб юборган. Римликлар Моратага 2027 йилнинг ёзига қадар мавсумига 4,5 миллион евро маош билан шартнома таклиф қилишди.
"Рома" бош мураббийи Жозе Моуриньо Мората билан шахсий учрашув ўтказиб, уни трансферга ишонтирди.
Яқин кунларда клублар вакиллари ўртасида учрашув бўлиб ўтиши кутилмоқда. Transfermarkt футболчини 20 миллион еврога баҳоламоқда.
30 ёшли Мората ўтган мавсумда 45 ўйинда 15 гол урди ва 3 голга ассистентлик қилди.
