Saudiyaning "An-Nasr" klubi "Bavariya"ning senegallik hujumchisi Sadio Maneni o‘z safiga qo‘shib olmoqchi. Klub afrikalik futbolchiga yiliga 25 million yevro maosh oladigan mehnat shartnomasi taklif qildi, deya xabar beradi insayder Nikolo Skira.
Mane nemis gigantining rejalariga kiritilmagan va shuning uchun yozda "Bavariya"ni tark etishga yaqin turibdi. Agar muzokaralar muvaffaqiyatli yakunlansa, Sadio riyodliklar bilan 3 yillik shartnoma imzolashi mumkin.
Hujumchi o‘tgan yili "Liverpul"dan "Bavariya"ga o‘tgan edi. Myunxenliklar safida Mane 38 ta o‘yin o‘tkazib, 12 ta gol va 6 ta golli uzatmaga mualliflik qilgan.













