Саудиянинг "Ан-Наср" клуби "Бавария"нинг сенегаллик ҳужумчиси Садио Манени ўз сафига қўшиб олмоқчи. Клуб африкалик футболчига йилига 25 миллион евро маош оладиган меҳнат шартномаси таклиф қилди, дея хабар беради инсайдер Николо Скира.
Мане немис гигантининг режаларига киритилмаган ва шунинг учун ёзда "Бавария"ни тарк этишга яқин турибди. Агар музокаралар муваффақиятли якунланса, Садио риёдликлар билан 3 йиллик шартнома имзолаши мумкин.
Ҳужумчи ўтган йили "Ливерпуль"дан "Бавария"га ўтган эди. Мюнхенликлар сафида Мане 38 та ўйин ўтказиб, 12 та гол ва 6 та голли узатмага муаллифлик қилган.