"Manchester Siti" yarim himoyachisi Riyod Mahrez Saudiya Arabistonining "Al-Ahli" klubi bilan shaxsiy shartnoma borasida kelishib oldi. Bu haqda jurnalist Ben Jeykobs xabar berdi.

Manbaga ko‘ra, kelishuv yaqin kunlarda yopilishi mumkin. Transfer summasi taxminan 35 million yevroni tashkil qiladi.

Eslatib o‘tamiz, Mahrez «Manchester Siti»ga 2018 yilning yozida «Lester»dan ko‘chib o‘tgandi. O‘tgan mavsumda 32 yoshli jazoirlik futbolchi "shaharliklar" safida 47 ta o‘yinda maydonga tushib, 15 ta gol urdi va 13 ta golga assistentlik qildi.