"Tottenxem" yarim himoyachisi Jovani Lo Chelso "Napoli"ga o‘tishi mumkin.

Sky Sport Italia xabariga ko‘ra, neapolliklar 27 yoshli argentinalik futbolchining transferi bo‘yicha London klubi bilan allaqachon bog‘lanishgan.

Qayd etilishicha, Lo Chelso Italiya fuqaroligiga ega va bu uning «Napoli»ga o‘tish imkoniyatini oshiradi.

Manbaning ta’kidlashicha, "Napoli" yarim himoyachini sotib olish sharti bilan ijaraga olmoqchi, ammo "shporlar" futbolchini majburiy sotib olish sharti bilan ijaraga bermoqchi.

Avvalroq, Lo Chelso xizmatlariga "Barselona", "Aston Villa" va "Betis" klublari qiziqish bildirayotgani xabar qilingandi. Transfermarkt ma’lumotlariga ko‘ra, futbolchining narxi 14 million yevroga teng.