"Bavariya" faxriy prezidenti Uli Xyoness agenti Alfonso Devisning so‘nggi so‘zlariga izoh berdi.

Futbolchining vakili uning "Bavariya"dan ketishi mumkinligi haqidagi mish-mishlarni kuchaytirdi, shuningdek, kanadalik futbolchiga qiziqish bildirayotgan "Real Madrid"ga xayrixohligini tan oldi.

"Shaxsan men Alfonsodan bunday gap eshitmaganman. U agentning so‘zlariga qarab qolmaydi, albatta, agentlar ham qandaydir tarzda pul topish kerak.

Ishonchim komilki, Devis bizning klubda uzoq vaqt qoladi, men bundan mutlaqo xavotirda emasman", - deya Xyonessning so‘zlarini keltiradi Sport1.

Alfonso Devisning "Bavariya" bilan shartnomasi 2025 yilgacha mo‘ljallangan. Mish-mishlarga ko‘ra, klub hali 22 yoshli chap qanot himoyachisini yangi shartnoma imzolashga ko‘ndira olmadi.