"Бавария" фахрий президенти Ули Хёнесс агенти Альфонсо Дэвиснинг сўнгги сўзларига изоҳ берди.
Футболчининг вакили унинг "Бавария"дан кетиши мумкинлиги ҳақидаги миш-мишларни кучайтирди, шунингдек, канадалик футболчига қизиқиш билдираётган "Реал Мадрид"га хайрихоҳлигини тан олди.
"Шахсан мен Альфонсодан бундай гап эшитмаганман. У агентнинг сўзларига қараб қолмайди, албатта, агентлар ҳам қандайдир тарзда пул топиш керак.
Ишончим комилки, Дэвис бизнинг клубда узоқ вақт қолади, мен бундан мутлақо хавотирда эмасман", - дея Хёнесснинг сўзларини келтиради Спорт1.
Альфонсо Дэвиснинг "Бавария" билан шартномаси 2025 йилгача мўлжалланган. Миш-мишларга кўра, клуб ҳали 22 ёшли чап қанот ҳимоячисини янги шартнома имзолашга кўндира олмади.
