"Milan" "Portu" bilan Mehdi Taremining transferi borasida muzokara olib bormoqda.
30 yoshli hujumchiga turli klublar qiziqish bildirmoqda, ular orasida "Milan" ham paydo bo‘lgan. Jurnalist Antonio Vitiyelloning so‘zlariga ko‘ra, “rossonerilar” rahbariyati eronlik futbolchining transferi bo‘yicha “Portu” bilan bog‘lanib, aniq chora ko‘rishgan. Portugaliyalik gigant o‘z futbolchisini sotishdan kamida 20 million yevro ishlab olmoqchi.
Mehdi Taremi o‘tgan mavsumda “ajdarlar” safida 51 o‘yinda maydonga tushib, 31 gol urdi va 14 golga assistentlik qilgan.
Transfermarkt hujumchining transfer qiymatini 18 million yevroga baholamoqda.
