"Manchester Siti" "Al-Ahli"ning vinger Riyod Maxrez borasidagi taklifini rad etdi.
Jurnalist Saymon Jonsning yozishicha, “shaharliklar” Saudiya klubining 32 yoshli jazoirlik uchun 21 million yevrolik taklifini rad etishgan. Qayd etilishicha, britaniyaliklar futbolchi uchun ko‘proq pul olishni kutishmoqda.
Avvalroq “Al-Ahli” Maxrezga yiliga 46 million yevro taklif qilishga tayyor ekani xabar qilingandi.
Jazoirlik futbolchi 2022/23 yilgi mavsumda “Siti” safida barcha musobaqalarda 47 ta o‘yinda maydonga tushib, 15 ta gol urdi va 13 ta golli uzatmani amalga oshirdi. Shartnoma 2025 yilning yoziga qadar mo‘ljallangan. Transfermarkt portali futbolchining narxini 20 million yevroga baholamoqda.