"Манчестер Сити" "Ал-Аҳли"нинг вингер Риёд Махрез борасидаги таклифини рад этди.
Журналист Саймон Жонснинг ёзишича, “шаҳарликлар” Саудия клубининг 32 ёшли жазоирлик учун 21 миллион евролик таклифини рад этишган. Қайд этилишича, британияликлар футболчи учун кўпроқ пул олишни кутишмоқда.
Аввалроқ “Ал-Аҳли” Махрезга йилига 46 миллион евро таклиф қилишга тайёр экани хабар қилинганди.
Жазоирлик футболчи 2022/23 йилги мавсумда “Сити” сафида барча мусобақаларда 47 та ўйинда майдонга тушиб, 15 та гол урди ва 13 та голли узатмани амалга оширди. Шартнома 2025 йилнинг ёзига қадар мўлжалланган. Transfermarkt портали футболчининг нархини 20 миллион еврога баҳоламоқда.
