Sobiq darvozabon Edvin van der Sar miyasiga qon quyilganidan keyin birinchi marta gapirdi.

Eslatib o‘tamiz, van der Sar ta’til paytida Xorvatiyada kasalxonaga yotqizilgan edi. Keyinchalik "Manchester Yunayted"ning sobiq posboni Niderlandiyaga jo‘natilgan edi.

"Avvalo, barchaga yordam uchun minnatdorchilik bildirmoqchiman. Men endi reanimasiya bo‘limida emasligimni e’lon qilishdan xursandman. Biroq, men hali ham kasalxonadaman. Umid qilamanki, keyingi hafta uyga qaytaman va tiklanishim uchun navbatdagi qadamni qo‘yaman”, - deb post qoldirdi van der Sar ijtimoiy tarmoqda.

Eslatib o‘tamiz, bahor faslining oxirida Edvin van der Sar "Ayaks" bosh direktori lavozimini tark etishi e’lon qilingan edi.