Собиқ дарвозабон Эдвин ван дер Сар миясига қон қуйилганидан кейин биринчи марта гапирди.
Эслатиб ўтамиз, ван дер Сар таътил пайтида Хорватияда касалхонага ётқизилган эди. Кейинчалик "Манчестер Юнайтед"нинг собиқ посбони Нидерландияга жўнатилган эди.
"Аввало, барчага ёрдам учун миннатдорчилик билдирмоқчиман. Мен энди реанимация бўлимида эмаслигимни эълон қилишдан хурсандман. Бироқ, мен ҳали ҳам касалхонадаман. Умид қиламанки, кейинги ҳафта уйга қайтаман ва тикланишим учун навбатдаги қадамни қўяман”, - деб пост қолдирди ван дер Сар ижтимоий тармоқда.
Эслатиб ўтамиз, баҳор фаслининг охирида Эдвин ван дер Сар "Аякс" бош директори лавозимини тарк этиши эълон қилинган эди.
