"Zenit" hujumchisi Malkomning agenti Luis Fernando Garsiya Saudiya Arabistoni klublarining futbolchiga qiziqishi haqida fikr bildirdi.
"Hech kimga sir emaski, Saudiya Arabistonidan bir nechta jamoalar tomonidan qiziqish bor, ammo kelishuv yo‘q", - dedi Garsiya.
Braziliyalik futbolchi 2019 yildan buyon Sankt-Peterburg klubi sharafini himoya qilib kelmoqda. Sportchi Rossiya jamoasiga kelguncha Kataloniyaning “Barselona”, Fransiyaning “Bordo” va Braziliyaning “Korintians” klublarida ham to‘p tepgan.