"Зенит" ҳужумчиси Малкомнинг агенти Луис Фернандо Гарсия Саудия Арабистони клубларининг футболчига қизиқиши ҳақида фикр билдирди.
"Ҳеч кимга сир эмаски, Саудия Арабистонидан бир нечта жамоалар томонидан қизиқиш бор, аммо келишув йўқ", - деди Гарсия.
Бразилиялик футболчи 2019 йилдан буён Санкт-Петербург клуби шарафини ҳимоя қилиб келмоқда. Спортчи Россия жамоасига келгунча Каталониянинг “Барселона”, Франциянинг “Бордо” ва Бразилиянинг “Коринтианс” клубларида ҳам тўп тепган.