Yaqindagina "Manchester Yunayted" hujumchisi Markus Reshford yangi shartnomaga imzo chekkandi. Bu orqali futbolchi Premyer-liganing eng yaxshi haq to‘lanadigan futbolchilaridan biriga aylandi. Yangi bitim borasida hujumchi va klub rahbariyati o‘rtasidagi muzokaralar juda uzoq davom etdi.
25 yoshli futbolchi 2021-22 yilgi mavsumda o‘z klubi kabi yaxshi natija qayd eta olmagandi. Bu esa Reshfordni "Arsenal" va "PSJ"ga o‘tadi degan gaplarga sababchi bo‘ldi. Biroq, o‘tgan mavsum Erik ten Xag uni yana qaytadan kashf etdi. Reshford u mavsumda 30 tadan ko‘p golga mualliflik qilgan edi.
The Athletic nashri bergan ma’lumotda aytilishcha, Markus Reshford "Old Trafford"da qolish uchun Angliya va Saudiyadan kelgan ko‘plab takliflarni rad etgan. U aslida 2024 yilda erkin agentga aylanishi kerak edi. Ammo hujumchi, hozir 2028 yilga qadar mo‘ljallangan shartnomaga imzo chekdi. Ushbu bitim Karringtondan chiqqan yulduzni "MYU"ning eng yaxshi maosh oluvchisiga aylantiradi. Reshford, endilikda, Jeydon Sanchoning yillik, 18 million funtli maoshidan ham ko‘p ishlaydi. Uning eski shartnomasida, haftasiga 200 ming funt berilishi ko‘zda tutilgan edi. Bu yiliga 10 milliondan sal ko‘proq bo‘lardi. Jamoadagi Sancho, Rafael Varan, Kazemiro, Antoni Marsyal va Brunu Fernandeshlar Reshforddan ko‘p ishlardi.
Markus Reshfordning yangi shartnomasi futbolchini APL doirasida ham eng yaxshi ish haqi to‘lanadiganlar qatoriga qo‘shdi. Haftasiga 375 ming funtlik maosh, hujumchini bu borada Erling Xolandga yaqinlashtiradi. Faqatgina Kevin De Bryuyne Reshforddan ko‘p maoshga ega. Umuman olganda, Reshford APLdagi eng yirik superyulduzlarni ham maosh masalasida ortda qoldirdi. Masalan, Muhammad Saloh, Raxim Sterling, Jek Grilish yoki Bukayo Sakalar ham yaqin davr ichida o‘z jamoalari bilan yirik bitimlar tuzgan. Ammo, endi ularning hech biri Reshfordchalik katta maosh olmaydi. Quyida Angliya elitasidagi eng yirik haq to‘lanadigan futbolchilarning oldi o‘n beshtaligi bilan tanishasiz.
1. Kevin De Bryuyne – 20.8 million funt
2. Erling Xoland – 19.5 million funt
3. Markus Reshford – 19.5 million funt
4. Jeydon Sancho – 18.2 million funt
5. Muhammad Saloh – 18.2 million funt
6. Kazemiro – 17.6 million funt
7. Rafael Varan – 17.5 million funt
8. Raxim Sterling – 16.9 million funt
9. Jek Grilish – 15.6 million funt
10. Bukayo Saka – 15 million funt
11. Gabriel Jezus – 13.7 million funt
12. Antoni Marsyal – 13 million funt
13. Jon Stounz – 13 million funt
14. Kay Xavers – 13 million funt
15. Ris Jeyms – 13 million funt.
ISMATOV J.
