Turinning «Yuventus» klubiga yangi kelgan Timoti Vea bosh murabbiy Massimiliano Allegri bilan munosabatlari haqida fikr bildirdi.
Eslatib o‘tamiz, AQSH terma jamoasi futbolchisi yaqinda Fransiyaning «Lill» klubidan «keksa sinyora»ga o‘tgan edi.
"Allegri ajoyib inson va murabbiy. U mashg‘ulotlarda ham juda ehtiyotkor va muloyim. U menga ko‘p narsaga e’tibor qaratishimni, nafaqat undan, balki jamoadoshlaridan ham o‘rganishimni aytdi", — dedi Vea matbuot anjumanida.
E’tiborli tomoni Vea himoyaning chap qanotida ham, hujumda ham o‘ynay oladi. Timoti bir paytlar “Oltin to‘p”ni qo‘lga kiritgan “Milan”ning sobiq hujumchisi Jorj Veaning o‘g‘lidir.
