"Fulxem" Aleksandr Mitrovichning istagini qondiradi va uni Saudiya Arabistoniga sotadi.

Insayder Fabrisio Romanoning so‘zlariga ko‘ra, londonliklar "Al-Hilol" bilan deyarli kelishgan. Ular uchun oxirgi tafsilotlarni hal qilish qoladi.

Londonliklar avvalroq Yaqin Sharq klubidan tushgan ikkita taklifni rad etgandi. Ulardan biri 30 million yevro edi.

"Al-Hilol" allaqachon Mitrovich bilan shartnoma shartlarini kelishib olgan.

"Fulxem" serbiyalik hujumchi o‘rniga "Vulverxempton"dan Raul Ximenesni sotib oladi. Transfer 5,5 million funtga baholanmoqda, futbolchi ertaga tibbiy ko‘rikdan o‘tadi, deb xabar beradi Sky Sports.

Mitrovich 2022/23 yilgi Premyer-ligada 24 o‘yinda 14 ta gol urgan, Ximenes 15 o‘yinda gol ura olmagan.