"Фулхэм" Александр Митровичнинг истагини қондиради ва уни Саудия Арабистонига сотади.
Инсайдер Фабрицио Романонинг сўзларига кўра, лондонликлар "Ал-Ҳилол" билан деярли келишган. Улар учун охирги тафсилотларни ҳал қилиш қолади.
Лондонликлар аввалроқ Яқин Шарқ клубидан тушган иккита таклифни рад этганди. Улардан бири 30 миллион евро эди.
"Ал-Ҳилол" аллақачон Митрович билан шартнома шартларини келишиб олган.
"Фулхэм" сербиялик ҳужумчи ўрнига "Вулверхэмптон"дан Рауль Хименесни сотиб олади. Трансфер 5,5 миллион фунтга баҳоланмоқда, футболчи эртага тиббий кўрикдан ўтади, деб хабар беради Sky Sports.
Митрович 2022/23 йилги Премьер-лигада 24 ўйинда 14 та гол урган, Хименес 15 ўйинда гол ура олмаган.
