Joriy yoz ajoyib o‘tmoqda. Transferlar oynasida ayrim katta klublar o‘z nishonlarini zabt etib ulgurdi. Albatta, yangiliklarda asosan faqatgina o‘sha katta jamoalar va ularning yirik nishonlari haqida so‘z boradi. Biroq, siz payqamay qolgan yulduzlar ham imi-jimida jamoasini yangiladi. Quyida ularning kimligini bilib olasiz.

Jek Batlend

Sobiq "Kristal Pelas" darvozaboni 2023 yilning yanvar oyida "MYU" qo‘shiladi. U "Nyukasl"ga qaytgan Martin Dubravka o‘rnini egallagan edi. Afsuski, bu ko‘chish doimiy bo‘lmadi. Futbolchi yozda erkin agentga aylandi. U yaqindagina "Reynjers" bilan bitim tuzgan edi.

Konrad Laymer

Laymer allaqachon "Bavariya" bilan kelishib olgandi. Shu sabab u "Leypsig" bilan xayrlashib, Germaniya chempionlari safiga yo‘l oldi. Avstriya terma jamoasi a’zosi APLga o‘tadi degan gap-so‘zlar yangragandi. Ammo, yakunda "Bavariya" yarim himoyachini o‘ziniki qildi.

Nabi Keyta

Keytaning "Liverpul" safini tark etishi ma’lum edi. Futbolchi o‘zining og‘ir davrlarini aynan Klopp jamoasida o‘tkazishiga to‘g‘ri keldi. Keyta 2018 yilda "Leypsig"dan sotib olinadi. Ammo unga jarohatlar erkin faoliyat yuritishga halaqit berdi. Keyta erkin agent sifatida shu yozda "Verder Bremen" safiga yo‘l oldi.

Fran Garsiya

Garsiyaning ijaradagi davri yomon o‘tmadi. Shu sababli "Real" uni sotib olishga qaror qildi. 23 yoshli himoyachi "Rayo Valyekano"dan Madridga yo‘l oldi. Uning xaridi "qirollik klubi" uchun 5 million yevroga tushdi. Garsiya 2027 yilgacha mo‘ljallangan shartnomaga imzo chekdi.

Jefferson Lerma

"Bornmut" o‘z tarixidagi eng qimmat transferlardan biri bilan bu yozda xayrlashdi. Lerma 2018 yilda "Levante"dan 30 million yevroga xarid qilingandi. U "olchalar"ni APLga qaytarishda muhim rol bajargan. Yarim himoyachi erkin agentga aylangach, "Kristal Pelas"ga o‘tish borasida harakatni boshladi va kelishuvga erishdi.

ISMATOV J.