"Valensiya" markaziy himoyachisi Fakundo Gonsales "Yuventus"ga o‘tishga yaqin turibdi.
20 yoshli futbolchi hali "ko‘rshapalaklar"ning asosiy jamoasida debyut qilgani yo‘q, ammo allaqachon grand klublar e’tiborini tortdi. Gonsales uchun kurashda favorit "Yuventus" bo‘lib turibdi, u transfer borasida deyarli kelishib olgan, deydi insayder Fabrisio Romano. Urugvay yoshlar terma jamoasining markaziy himoyachisi faoliyatini “keksa sinyora” tarkibida davom ettirishga tayyor.
Fakundo Gonsales 20 yoshgacha bo‘lgan toifadagi Urugvay terma jamoasida 21 ta o‘yin o‘tkazgan. Transfermarkt yosh himoyachining transfer narxini 1 million yevroga baholamoqda.
