"Manchester Siti" himoyachisi Natan Ake "shaharliklar" bilan shartnoma uzaytirilgani haqida fikr bildirdi.
Eslatib o‘tamiz, niderlandiyalik himoyachi 2027 yilgacha shartnoma imzolagan bo‘lib, unga ko‘ra u haftasiga taxminan 200 ming yevro ishlab oladi.
"Shubhasiz, dunyoning eng yaxshi jamoasi. "Manchester Siti" futbolchisi ekanligim meni har kuni faxrlantiradi. Bu hamma narsada mukammallikka intiladigan klub. Bu meni hayajonga soladi va taraqqiyot sari undaydi", - dedi Ake "Manchester Siti" rasmiy saytiga.
Ake Londonning "Chelsi" klubi bitiruvchisi va o‘tgan yozda u jamoaga qaytishi mumkin edi, ammo o‘shanda "ko‘klar" 55 million yevrolik narxni juda yuqori deb hisoblashgan.
