«Surxon» klubi yarim himoyachisi Dostonbek Tursunovga Shotlandiyaning «Livingston» qiziqish bildirdi. Shu bois o‘yinchi Yevropa klubi safida ko‘rikdan o‘tish uchun Shotlandiyaga yo‘l oldi. Bu haqda "Surxon" matbuot xizmati xabar tarqatdi.

"Bu mavsumda jamoamiz yorqin o‘yin ko‘rsatmoqda. Ko‘plab jurnalist va mutaxassislar uchun «Surxon» - yil kashfiyoti bo‘ldi. Yosh jamoamiz Superliga grand jamoalari bilan tengma-teng o‘ynamoqda, shu jumladan «Surxon» O‘zbekiston kubogi pley-off bosqichiga ham chiqdi.

Hech kimga sir emaski, jamoamizni nafaqat mamlakat ichida, balki xorijda ham kuzatib borishmoqda. Iyul oyida «Surxon» Xitoyga yig‘in o‘tkazish uchun jo‘nab ketdi va u yerda ko‘plab futbolsevar muxlislar jamoamizga muxlislik qilishdi. Shuningdek, futbolchilarimizni Yevropadan skautlar kuzatib kela boshladi. Shu jumladan, Shotlandiyaning «Livingston» futbol klubi Dostonbek Tursunovga qiziqish bildirib, ko‘rikdan o‘tish uchun futbolchimizni Shotlandiyaga taklif qildi.

«Livingston» Shotlandiya oliy ligasi vakili bo‘lib, 2022/23 mavsumida jamoa 6-o‘rinni egallab oldi. Shu jumladan, Shotlandiya chempionatida «Seltik» va "Glazgo Reynjers" kabi grand jamoalar ham ishtirok etadi.

Agar Doston Tursunov ko‘rikdan muvaffaqiyatli o‘tsa va futbolchimizning harakatlari «Livingston» murabbiylarga mos kelsa, Tursunov Shotlandiya chempionatida faoliyatini davom etirish mumkin. Bu bilan birga, tarixda ilk marotaba o‘zbekistonlik futbolchi Shotlandiya chempionatida to‘p tepish mumkin", — deyiladi "Surxon" rasmiy sayti tarqatgan xabarda.