"PSJ" "Barselona"ga Neymarni sotib olishni taklif qilgan, ammo kataloniyaliklar bunga rozi bo‘lishmagan.
Diario Sport xabariga ko‘ra, Usmon Dembele bo‘yicha muzokaralar chog‘ida fransuz klubi yana "Barselona"ga Neymarni ijaraga olishni taklif qilgan. Kataloniyaliklar bunga keskin rad javobini berishdi.
"PSJ" Neymardan qutulmoqchi, ammo unga munosib taklif topa olmayapti. Braziliyalik futbolchi "Barselona"ga qaytishga rozi bo‘lishini bilgan "PSJ" bu masalani kataloniyaliklar bilan muhokama qilishga urindi. Neymarning "Barsa"ga o‘tishi bir necha sabablarga ko‘ra mumkin emas.
Birinchidan, maoshini qancha kamaytirmasin, “Barselona” uni sotib ololmaydi. Ikkinchidan, Xavi Neymarni hozirgi "Barsa" loyihasi uchun mos emas deb hisoblaydi.
Qayd etilishicha, Neymar Saudiya Arabistoniga o‘tishni qat’iyan rad etadi - u allaqachon bir nechta takliflarni rad etgan. Hujumchi "PSJ"ga qolishni istayotganini ochiq aytdi.
Iyun oyida Neymar "Barselona"ga qaytishni istayotganini aytgani xabar qilingandi.
Bugun Neymar fevral oyidan beri ilk bor "PSJ" safida o‘ynadi - u jarohatidan forig‘ bo‘ldi. Hujumchi Koreyaning “Chonbuk” jamoasi bilan o‘rtoqlik uchrashuvida (3:0) “gol+pas” tizimi bo‘yicha 2+1 hisobini qayd etdi.
