Superliga 15-turidan o‘rin olgan “Buxoro” – “Qizilqum” (1:0) uchrashuvidan so‘ng mehmonlar bosh murabbiyi Jamshid Saidov o‘z fikrlarini bildirib o‘tdi.

“Standart vaziyatda xato qildik. So‘ng esa muvozanatni tiklay olmadik. Afsuski, hujumlarimizda yakun bo‘lmadi. Kurash davom etadi. Oxirigacha kurashib, o‘z muxlislarimizni xursand qilishga harakat qilamiz.

O‘tgan tur Kenjaboyevni kartochka olmasligi uchun zaxiraga olgan edik. Bugun esa 3 himoyachi bilan o‘ynab, vabankka qo‘l urdik. Qolaversa, u so‘nggi 3-4 kundan buyon o‘zini yaxshi his qilmayotgan edi”, – dedi Saidov.