Pep Gvardiola "Manchester Siti"ning joriy mavsumdagi taqvimidan shikoyat qildi.
Yangi mavsumda "shaharliklar" asosiy turnirlardan tashqari dekabr oyida Saudiya Arabistonida bo‘lib o‘tadigan klublar o‘rtasidagi jahon chempionatida ham ishtirok etishadi.
"O‘ylashimcha, mavsumoldi yig‘inlar - yangi mavsum. Biz mavsumni yakunlaymiz, ikki hafta hafta mobaynida tiklanamiz va mavsumoldi mashg‘ulotlarini o‘tkazamiz? Nega? Biz hech narsa yo‘qotganimiz yo‘q. Lekin yil sayin yomonlashib boraveradi, yana yomonlashadi, rostini aytsam, bu qanday tugashini bilmayman.
Bu yerda ruhiy tomondan muammo bor. Futbolchilar charchagan. Mavsum oldidan yomon sharoitda qancha o‘yinchi jarohat olishiga qarang: namlik, issiqlik, maydonlar unchalik yaxshi emas - ayniqsa shtatlarda. Lekin bu shunday. Biz moslashishimiz, ko‘nikishimiz kerak, ammo bu normal holat emas" - dedi Gvardiola.
Shuningdek, "Manchester Siti" ustozi Premyer-ligada hakamlar gol nishonlashda yo‘qotilgan vaqtni qo‘shib berishlari, shuningdek, qancha penalti va chetlatishlarni hisobga olishlari haqida fikr bildirdi.
"Vaqtni behuda sarflash, menimcha, yana 10 daqiqa qo‘shish bilan hal bo‘lmaydi. Agar ular sekin o‘ynashda davom etsa nima bo‘ladi? Bu futbolchilarni yanada charchatadi. Bu endi haddan tashqari oshib ketdi", - dedi ispaniyalik murabbiy.
