Neymar "Al Hilol"ga o‘tdi.
Saudiya Arabistoni jamoasi futbolchini klub libosida taqdim etib, transferni e’lon qildi.
Ma’lum bo‘lishicha, braziliyalik vinger "Al-Hilol" bilan 2 yillik shartnoma imzolagan.
L'Equipe nashri xabariga ko‘ra, Neymar bu davrda taxminan yiliga 160 million yevro ishlab olishi mumkin. "PSJ" futbolchining transferi uchun bonuslarni hisobga olgan holda 120 million yevrogacha olishi xabar qilingan edi, bu klubning rekord savdosi hisoblanadi.
Neymar o‘tgan mavsumda Liga 1da 20 ta o‘yinda 24 (13+11) ochko to‘plagan.