Superliga 11-turining qoldirilgan "Nasaf" - "Paxtakor" uchrashuvidan (0:0) so‘ng "sherlar" bosh murabbiyi Maksim Shaskixning yordamchisi Kamoliddin Tojiyev o‘yin haqida fikrlarini bildirib o‘tdi.
"Besh kun ichida ikkita qiyin o‘yinni mehmonda o‘tkazdik. Birinchi bo‘limda bahsni nazorat qildik. Bir necha imkoniyatlarga ega bo‘ldik. Bellashuv oxirida vaziyatdan foydalanganimizda yutib ketishimiz ham mumkin edi. O‘yin teng kechdi deb o‘ylayman. Namanganda hissiyot taraflama qiyin bahs o‘tkazgandik. Futbolchilar safardagi qiyin uchrashuvlarda yaxshi futbol namoyish qilishdi.
Har ikki jamoa hujumkor futbol ko‘rsatishga harakat qildi. Muhim bellashuvlarda gol o‘tkazib yuborishdan hamma qo‘rqadi. Stinvorden va Kuxarchik jarohat sababli maydonga tushishmadi", - dedi Tojiyev.
