Norvegiyalik yarim himoyachi Martin Edegor Londonning "Arsenal" klubi rahbariyati bilan yangi mehnat shartnomasini imzolash bo‘yicha muzokaralar olib bormoqda. Bu haqda insayder Fabrisio Romano ijtimoiy tarmoqlar orqali ma’lum qildi.
Jurnalist ta’kidlaganidek, "kanonirlar" kelasi haftalarda kelishuvni yakunlashni kutishmoqda. Edegor bilan kelishuvni uzaytirish London klubining bevosita ustuvor vazifalaridan biridir.
Martin 2021 yildan beri "Arsenal"da o‘ynamoqda. O‘tgan mavsumda skandinaviyalik yarim himoyachi 45 ta o‘yin o‘tkazib, 15 ta gol va 8 ta golli uzatmani amalga oshirgan. Tomonlar o‘rtasidagi amaldagi shartnoma 2025 yilda yakuniga yetadi.
