Kilian Mbappe ketma-ket ikkinchi o‘yinda gol urdi.
Hujumchi Liga 1ning 3-turidan o‘rin olgan "Lans" bilan o‘yinda (3:1) "PSJ"ning asosiy tarkibida maydonga tushdi va 52-daqiqada himoyachi Lyuka Ernandesning uzatmasidan unumli foydalanib, raqib darvozasiga to‘p kiritdi. 91-daqiqada u Fabian Ruisning pasini ham gol bilan yakunladi.
2-turda Mbappe zaxiradan maydonga tushgandi, "Tuluza"ga qarshi o‘yinning (1:1) 62-daqiqasida penaltini ishlab oldi va uni golga aylantirdi.
Fransiyalik futbolchi o‘tgan mavsumda chempionatning 34 ta o‘yinida 29 ta gol urgan.