Килиан Мбаппе кетма-кет иккинчи ўйинда гол урди.
Ҳужумчи Лига 1нинг 3-туридан ўрин олган "Ланс" билан ўйинда (3:1) "ПСЖ"нинг асосий таркибида майдонга тушди ва 52-дақиқада ҳимоячи Люка Эрнандеснинг узатмасидан унумли фойдаланиб, рақиб дарвозасига тўп киритди. 91-дақиқада у Фабиан Руиснинг пасини ҳам гол билан якунлади.
2-турда Мбаппе захирадан майдонга тушганди, "Тулуза"га қарши ўйиннинг (1:1) 62-дақиқасида пенальтини ишлаб олди ва уни голга айлантирди.
Франциялик футболчи ўтган мавсумда чемпионатнинг 34 та ўйинида 29 та гол урган.