Turinning “Yuventus” klubida o‘z o‘rniga ega bo‘lmagan italiyalik tajribali himoyachi Leonardo Bonuchchi o‘ziga yangi jamoa izlamoqda. Football Italia jurnalistlarining xabar berishicha, 36 yoshli futbolchining xizmatlariga bir nechta klublar qiziqish bildirmoqda.
Manba bergan xabarga ko‘ra, Berlinning “Union”, Rimning “Lasio” va Genuyaning “Jenoa” klublari o‘z safiga tajribali himoyachini jalb qilmoqchi.
O‘tgan mavsumda Leonardo “keksa sinyora” safida 26 ta o‘yinda maydonga tushib, 2 ta gol urgan. Himoyachi va turinliklar o‘rtasidagi amaldagi mehnat shartnomasi kelasi yozda yakuniga yetadi.
