Туриннинг “Ювентус” клубида ўз ўрнига эга бўлмаган италиялик тажрибали ҳимоячи Леонардо Бонуччи ўзига янги жамоа изламоқда. Football Italia журналистларининг хабар беришича, 36 ёшли футболчининг хизматларига бир нечта клублар қизиқиш билдирмоқда.
Манба берган хабарга кўра, Берлиннинг “Унион”, Римнинг “Лацио” ва Генуянинг “Женоа” клублари ўз сафига тажрибали ҳимоячини жалб қилмоқчи.
Ўтган мавсумда Леонардо “кекса синьора” сафида 26 та ўйинда майдонга тушиб, 2 та гол урган. Ҳимоячи ва туринликлар ўртасидаги амалдаги меҳнат шартномаси келаси ёзда якунига етади.
