Amsterdamning "Ayaks" klubi yarim himoyachisi Muhammad Kudus "Vest Xem"ga o‘tish oldidan tibbiy ko‘rikdan o‘tdi, deya xabar beradi insayder Fabrisio Romano ijtimoiy tarmoq orqali.
Yaqin orada ganalik vinger 2028 yilning yoziga qadar uzoq muddatli shartnoma imzolaydi. Transfer summasi 41,5 million yevroni tashkil qiladi, yana uch millioni bonus sifatida qayd etiladi.
Muhammad 2020 yildan beri Amsterdam jamoasida o‘ynab kelmoqda. Yarim himoyachi o‘tgan mavsumda barcha turnirlarda 42 ta o‘yinda maydonga tushib, 18 ta gol va 7 ta golli uzatmani amalga oshirgan.