Амстердамнинг "Аякс" клуби ярим ҳимоячиси Муҳаммад Кудус "Вест Хэм"га ўтиш олдидан тиббий кўрикдан ўтди, дея хабар беради инсайдер Фабрицио Романо ижтимоий тармоқ орқали.
Яқин орада ганалик вингер 2028 йилнинг ёзига қадар узоқ муддатли шартнома имзолайди. Трансфер суммаси 41,5 миллион еврони ташкил қилади, яна уч миллиони бонус сифатида қайд этилади.
Муҳаммад 2020 йилдан бери Амстердам жамоасида ўйнаб келмоқда. Ярим ҳимоячи ўтган мавсумда барча турнирларда 42 та ўйинда майдонга тушиб, 18 та гол ва 7 та голли узатмани амалга оширган.
