"Tottenxem" bosh murabbiyi Ange Postekoglu "Nottingem Forest" hujumchisi Brennan Jonsonni o‘z safiga qo‘shib olmoqchi.

Jurnalist Alasdair Gold xabariga ko‘ra, avstraliyalik mutaxassis transfer oynasining so‘nggi kunlarida uelslik futbolchini asosiy hujum nishoni sifatida ko‘rmoqda. Xabar qilinishicha, murabbiy Jonsonni "Tottenxem"dagi tizimi uchun ideal variant sifatida ko‘radi va hujumchining ko‘p qirraliligini ta’kidlaydi. Oldinroq "o‘rmonchilar" hujumchini kamida 50 million yevroga sotish imkoniyatini ko‘rib chiqishga tayyor ekani xabar qilingandi.

Eslatib o‘tamiz, Jonson "Nottingem" tarbiyalanuvchisi bo‘lib, o‘tgan mavsumda 44ta o‘yinda maydonga tushib, 10ta gol urgan.