"Тоттенхэм" бош мураббийи Анге Постекоглу "Ноттингем Форест" ҳужумчиси Бреннан Жонсонни ўз сафига қўшиб олмоқчи.

Журналист Аласдаир Голд хабарига кўра, австралиялик мутахассис трансфер ойнасининг сўнгги кунларида уэльслик футболчини асосий ҳужум нишони сифатида кўрмоқда. Хабар қилинишича, мураббий Жонсонни "Тоттенхэм"даги тизими учун идеал вариант сифатида кўради ва ҳужумчининг кўп қирралилигини таъкидлайди. Олдинроқ "ўрмончилар" ҳужумчини камида 50 миллион еврога сотиш имкониятини кўриб чиқишга тайёр экани хабар қилинганди.

Эслатиб ўтамиз, Жонсон "Ноттингем" тарбияланувчиси бўлиб, ўтган мавсумда 44та ўйинда майдонга тушиб, 10та гол урган.