"Bavariya" yarim himoyachisi Leon Goreska Bundesliganing 2-tur uchrashuvida "Augsburg"ga (3:1) qarshi o‘yinda dubl qayd etgan jamoaning yangi futbolchisi Xarri Keynning o‘yini haqida fikr bildirdi.
“Xarri jahon darajasidagi futbolchi, u ajoyib yigit. Uning aurasi darhol kiyinish xonasida seziladi. Keyn jamoamiz uchun katta boylik va u allaqachon yetakchi”, - deydi yarim himoyachi DAZN nashriga.
30 yoshli ingliz futbolchisi "Tottenxem"dan 100 million yevro evaziga "Bavariya"ga o‘tgan edi. U 2027 yilning iyun oyi oxirigacha amal qiladigan uzoq muddatli mehnat shartnomasini imzoladi.
