“Yuventus” darvozaboni Voysex Shesni tez orada jamoasi bilan shartnomasini uzaytirishi mumkin. La Gazette Dello Sport xabariga ko‘ra, yozgi transfer oynasi yopilgach, Shesni "keksa sinyora" bilan shartnomani uzaytirgan birinchi futbolchiga aylanishi mumkin.
33 yoshli Shesnining "Yuventus" bilan shartnomasi tugashiga ikki yil qoldi, ammo jamoa polshalik darvozabonni uzoqroq muddatga o‘zida saqlab qolmoqchi. Darvozabonning o‘zi klub bilan yangi shartnoma imzolashga qarshi emas.
Eslatib o‘tamiz, avvalroq Shesni Saudiya Arabistoni klublarining takliflariga qiziqmasligini, chunki puli yetarli ekanligini aytgan edi.
