"Nottingem Forest" "Fenerbaxche" hujumchisi Mishi Batshuayi bilan shartnoma imzolashga yaqin turibdi, deb xabar beradi taniqli insayder Fabrisio Romano o‘zining ijtimoiy tarmog‘ida.
Manbaga ko‘ra, "o‘rmonchilar" avvalroq "Chelsi"da to‘p tepgan belgiyalik hujumchiga anchadan beri qiziqish bildirishgan. "Nottingem" hujum chizig‘ini kuchaytirmoqchi bo‘lgan futbolchilar ro‘yxatida Mishi yanvar oyida ham bor edi.
29 yoshli hujumchi 2016-2022 yillarda "Chelsi" futbolchisi sifatida qayd etilgan, ammo deyarli har yili boshqa klublarga ijaraga berilgan.
O‘tgan mavsumda belgiyalik futbolchi Turkiya chempionatida 19 ta o‘yinda maydonga tushib, 12 ta gol urgan va bitta golli uzatmani amalga oshirgan.